Jashn e Milad e Mohammad Hai Manao Logo Lyrics

Syed Ikram Akbar Bukhari April 13, 2017 admin

Jashne milad e Mohammad hay manao logo
Marhaba salay aala jhoom kay gao logo.

Waqt e maulood sitaray bhi umad kar aaye
Tum bhi ghar bar charagun say sajao logo.

Qudsiyun nay bhi qataroon say sajaya hay falaq
Tum bhi ghar kucha gali shehar sajao logo.

Sar qadam apna bana kay chalo taiba ki taraf
Un kay darbar main qismat say jo jao logo.

Mehfil e naat main bethay hoo muhabat say agar
Choro sharmana zara jhoom kay gao logo.

Qisa e hoor bhi apni jagah per acha
Mujh ko aaqa ki koi baat batao logo.

Itna Tahir bhi samajh paya hay ab ja kay kahin
Jashan ho aaqa ka phir dhoom machao logo.

Leave a comment

Hum Hain Iltaja Wale

Syed Altaf Shah Kazmi April 13, 2017 admin

Hum hain Iltijaa waalay, Aap hain ata waalay,
Bheek kuch ataa karna, aye meray sakha walay.

Cher na hamein dunya, ham hain Mustafa (SAW) waalay,
Sayyidul Wara waley, Shah e Do Sara waalay.

Mein mareez e taiba hoon, us galli may lay jao,
Haan wohi gali jis kay, zaray hay shifaa waalay.

Khud kaha meray Rab (SWT) nay, bakhsh doun ga main sab ko,
Par aain yaar kay dar par, yeh jithnay hain khata waalay.

Mar to jayein gay lekin, ghair say na mangain gay,
Aaqa aap kay bhikari to, hain bari anaa waalay.

Waqt kay salaami bhi, bheek lenay aatay hain,
Aray taajdaar aisay hain, yay khaak e naqsh e paa waalay.

Maal o zar ki yeh Altaf, kuch nahinn hamain parwaa,
Array jaan bhi lutatay hain, admi wafa waalay.

Cheir na hamain dunya, ham hain Mustafa (SAW) waalay,
Cheir na hamain dunya, ham hain Mustafa (SAW) waalay,

Na’at Information:
Nasheed Reciter: Syed Altaf Shah Kazmi
Album: Rab De Yaar Da Yaar Siddiq (Volume 2)

Leave a comment

Noori Mehfil Pay Chadar Tani Noor Ki Lyrics

Siddiq Ismail April 13, 2017 admin

Noori mehfil pay chadar tanni noor ki,
Noor phela huwa aaj ki raat hai.
Chandni mein hain dubay huwey do jahan,
Kon jalwa numa aaj ki raat hai.
Farsh per dhoom hai, arsh per dhoom hai
Badnasibi hai uski jo mehroom hai,
Phir milay gi yeh shab kisko maloom hai
Aam lutfay Khuda aaj ki raat hai.

Abray rehmat hai mehfil pay chaye huwey
Aasman say malaik hain aaye huey
Khud Muhammed hain tashreef laye huwey
Kis kadar jaan fiza aaj ki raat hai.

Manglo Mang lo chashme tar mang lo
Dard e dil aur husn e nazar manglo
Kamli wale ki nagri mein ghar manglo
Mangnay ka maza aaj ki raat hai.

Momino aaj ganj e sakha lutlo
Lutlo aie marizo shifa lootlo
Asiyo rehmat e Mustafa lootlo
Babay rehmat khula aaj ki raat hai.

Khoob honay do ashkoon ki barsat ko
Do salami Muhammed ki barat ko
Choom lo chum lo aaj ki raat ko
Shab qadar kay guman aaj ki raat hai.

Waqt laye Khuda sabh Madinay chalein
Lutnay rehmatoon kay khazinay chalein
Sabh ki manzil ki janib safinay chalein
Meri sa’aim dua aaj ki raat hai.

Naat Information
Naat Khawan: Siddique Ismail
Naat: Noori Mehfil Pay Chadar Tani Noor Ki
Album: Mujhko Taiba Bulalo

Leave a comment

Zameen Maili Nahin Hoti, Zaman Maila Nahin Hota Lyrics

Shahbaz Qamar Fareedi April 13, 2017 admin

Zameen maili nahi hoti, zaman maila nahi hota
Zameen mali nahi hoti, zaman maila nahin hota
Muhammad (SAW) kay gulamon ka kafan maila nahi hota.
Mohabbat Kamli wale say, woh jazba hai suno logo
Yeh jis man main sama jaaye, woh mann maila nahi hota.

Muhammed (SAW) ke gulamon ka kafan maila nahi hota.

Gulon ko choom laite, hain seharnam shabnami qatre
Nabi (SAW) ki naat sun lein tu, chaman maila nahi hota.

Muhammad (SAW) ke gulamon ka kafan maila nahi hota.
Muhammad (SAW) ke gulamon ka kafan maila nahi hota.

Jo Naam-e-Mustafa (SAW) chumein, nahi dukhti kabhi ankhein
Pehen le pyaar jo Unka, badan maila nahi hota.

Muhammad ke gulamon ka kafan maila nahi hota

Nabi (SAW) ka daman-e-rehmat pakar lo aey jahan walo
Rahe jab tak yeh hathon main, chalan maila nahi hota.

Muhammad (SAW) ke gulamon ka kafan maila nahi hota

Main nazan tu nahi fanpan magar Nasir yeh dawa hai
Sana-e-Mustafa (SAW) karne se fan maila nahi hota.

Muhammad (SAW) ke gulamon ka kafan maila nahi hota.

Naat Information:
Naat Reciter: Shahbaz Qamar Fareedi
Album: Naat Kay Rung
Album: Sabz Gumbad Walay

Leave a comment

Karlo Khidmat Maa Di Lyrics

Shahbaz Qamar Fareedi April 13, 2017 admin

Paak Muhammed nay farmaya, tusi karlo khidmat maa di.
Jisnay Kaaba takna howay, oh taklay surat maa dee.
Oh pai paiyaan day dushmaan hounday, tay bhai bhaiyaan diyaan bawaan,
Tay baap siraan day oh taj Muhammad, tay mawaan thandiyaan chawaan.

Khoob say khoub Madinay ka safar lagta hai, zara us khak ka phir ashkay qamar lagta hai,
Khoob say khoub Madinay ka safar lagta hai, pyaar karta hai Nayazi yeh zamana mujhsay,
Pyaar karta hai Nayazi yeh zamana mujhsay, yeh meri maan ki duaoon ka asar lagta hai.

Uchiyaan lambiyaan aie taliyaan, tay ghaniyaan jinhaan diyan chawan,
Har eik cheese bazaroon labdi, par nahin labdiyaan nay mawaan.
Pyaar karta hai Nayazi yeh zamana mujhsay, yeh meri maan ki duaoon ka asar lagta hai.

Pyaar karta hai Nayazi yeh zamana mujhsay…
Shahoon say mila hai, na tawangar (ghani)/(rich) say mila hai
Allah ka irfaan usi ghar say mila hai
Jiko bhi mila hai, toh muqadar say mila hai
Mujh ko to mukadar bhi usi ghar say mila hai.
yeh meri maan ki duaoon ka asar lagta hai..
Pyaar karta hai Nayazi yeh zamana mujhsay, yeh meri maan ki duaoon ka asar lagta hai.

Azmataan ki mein sunawaan maa diyaan, tar dendiyaan nay duawan maan diyaan,
Yeh meri maan ki duaoon ka asar lagta hai, Yeh meri maan ki duaoun ka asar lagta hai.

Lyrics Information
Recited By: Shahbaz Qamar Fareedi
Written By: Niyazi

Leave a comment