Suey Taiba Jane Walo, Mujhe Chorr Kar Na Jana
Meri Ankhon Ko Dikha Do Shah-E-Deen Ka Aastana

Hain Wo Jaaliyan Sunehri Meri Hasratoon Ka Mehwar
Wo Sahara Muj Ko Dein Ge Jo Hain Khas Rab Ke Dilbar

Mujhe Pohnch Kar Madine Nahin Laut Kar Hai Aana
Sooey Taiba Jane Walo, Mujhe Chorr Kar Na Jana,

Main Tarap Raha Hon Tanha, Meri Be Bebasi To Dekho
Main Asseer-E Ranj-O-Gham Hoon, Meri Be Kali To Dekho

Zara Roza-E Nabi Ka Mujhe Rasta Dikhana
Suey Taiba Jane Walo, Mujhe Chorr Kar Na Jana,

Darr-E-Mustafa Pe Meri Jab Haazari Lage Gee
Mujhe Phir Karam Se Un Ke Naey Zindagi Mille Gee
Mere Laab Pe Raat Din Ho Shahe Bat,ha Ka Taraana
Soey Taiba Jane Walo, Mujhe Chorr Kar Na Jana,

Koi Kal Ke Aik Pal Ka Nahin Kuch Bhi Hai Barhossa
Mujhe Humsafar Bana Lo Kahin Reh Na Jaoon Tanha

Dar-E-Mustafa (SAWW) Hai ISHRAT Mera Akhri Tikhaana
Suey Taiba Jane Walo, Mujhe Chorr Kar Na Jana,